Sanferminak 2017

Iruñeak argi du: emakumeenganako erasorik ez da onartuko

>Morez jantzi da iluntzean Iruñea. Sanferminetan izan diren eraso sexistak salatu dituzte milaka herritarrek. 
>Kalejira isila egin dute peñek eta euren pankartak oihal morearekin estali dituzte. 
>Gazteluko plaza mukuru bete da "eraso sexistarik ez" ohiuz. 

Milaka lagun atera dira kalera sanferminetan izan diren eraso sexistak salatzera. "Ez dugu ausartak izan nahi, aske izan nahi dugu" esan dute elkarretaratzearen amaieran Gora Iruñea plataformak eta Indarkeriaren Aurkako Taldeak. "Eraso sexistarik ez dugu onartzen. Emakumeok ere badugu eskubidea libre bizitzeko eta gozatzeko. Ez dugu sumisak izan nahi. Ez dugu beldurrik", nabarmendu dute.