Hezkuntza Kontseilariak, Maria Solanak iragarri zuen atzo: "San Frencisco ikastetxearen beharra ahalik eta lasterren bideratu behar da". Iruñeko Udalarekin elkarlanean ari dira Alde Zaharreko ikastetxeak duen jolastokia handitzeko eta estaltzeko formularik egokiena bilatzen. 1905. urteko eraikina da San Francisco ikastetxea hartzen duena eta hortaz, obrak egin aurretik egoera ongi aztertu behar da. Dokumentazioa eta ikerketa lanak eskatuak dituzte jada. Hala iragarri zuen Solanak. "Arazoa handia da ikastetxean eta heldu den urtean jolastoki egokiago bat izan bitartean Ezpeleta Jauregiko kanpoko aldea izanen dute ikastetxe horretako haurrek jolastu ahal izateko", esan zuen kontseilariak.
Jolastoki itxia eta handiagoa behar dute Alde Zaharreko ikastetxe horretako haurrek. Lan horiek egin bitartean, eskola ondoan dagoen Ezpeleta Jauregiko kanpoaldea erabiliko dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!