Udal gobernuan Geroa Bai sar daitekeela iradoki du Asironek

Euskalerria Irratia 2017ko mai. 25a, 14:05

"Bidezko joko arauak" ezarri behar direla esan die Aranzadi eta Ezkerrari eta "alegiazko konfiantza krisia" konpontzeko bost printzipio proposatu ditu.

Iruñeko Udal gobernuaren baitan sortu diren desadostasunen harira agerraldia egin du gaur Joseba Asiron alkateak. Atzo batzarra izan zuten guztiek batera eta aldaketak segitzeko bide-orri berria planteatu du alkateak. Lau puntu edo irizpide izanen dira:

  • Bat, "kontsentsua" da bidea, baina, posible ez bada, gehiengo bidez hartuko dituzte erabakiak.
  • Bi, "leialtasun printzipioa". "Erabaki bat hartuz gero, denona izanen da", esan du Asironek.
  • Hiru, "seriotasun printzipioa", aurrera egiten duten proiektuak "berme politikoa eta juridikoa" baitute.
  • Lau, "akordio programatikoa errespetatzea". Eta bost, "ardura printzipioa"

Krisiak "eskuinari" baino ez diola mesede egiten esan du. Dena dela, baikor azaldu da aldaketarekiko. Azken urtean, 25 proeiktua abiatu dituztela oroitarazi du, horien artean Pio XII.arena Orain, "hausnarketa faseari" ekinen dio Iruñeko Udalak. Alkateak uste du, dena dela, proposatutako bost puntuak onartuko dituztela gainontzeko kideek

Egoerak, nolanahi ere, aldaketak ekar ditzake: Geroa Baik kontzejaliaren bat har dezake, horrek ez du esan nahi, alkateak esan duenez, beste talderen bat kanpoan geratuko denik. Gauzak horrela, bilera egitekoak dira udal gobernua osatzen duten lau taldeak, printzipio horiek aztertzeko asmoz

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!