Cheikouna kanporatzeko sententzia eman dute epaitegiek, Espainiako Atzerritarren Legea aplikatuta. 2005etik bizi da Euskal Herrian jatorriz senegaldarra den mutila eta hemen gera dadin mobilizazioak antolatu dituzte haren lagunek Txantrean: manifestazio jendetsua antolatu zuten, baita babesa eskaintzeko elkarretaratzea ere.
Orain, Iruñeko Udala da elkartasuna adierazi diona: mozioa onartu zuen atzo Presidentetza Batzordeak "lasaitasunez eta askatasunez hirian bizi dadin". Instituzioi ere erreferentzia egin die mozioak, Iruñea "migratzaileentzat babes eta harrera hiria" izan dadin.
