Martxelo Sotes eta Julen Leuza dira Tartaria umore saioaren egileak. Gaurko saioaren hasieran lan arazo latz bati mintzatu dira: “Gezurra badirudi ere, oraindik XXI mendean diskriminazio kasuak gertatzen dira, bereziki lan munduan. Jarraian bere egoera lazgarria salatzera etorri den gure entzule Nelson Zirauki izanen dugu. Orain egun batzuk bere kasuaren berri izan eta, dakizuenez Tartariak, langileen kezkekin erabat sentsibilizatuta dagoen irrasaio honek, bozgoragailu zerbitzua eskaini nahi dio lagun honi. Nelson Zirauki, ongi etorri Tartariara…”
Bestalde 3. adina izan dute gaur protagonista: “Gaur erretiratu bati gure mikroak zabalduko dizkiogu, bere egunerokoari buruz hitz egin diezagun. Izan ere geroz eta jubilatu gehiago baita gure gizarte honetan. Zalantzarik gabe jubilatuen errege deitzen ahal diogu…
Gurekin dugu Espainiako ohiko errege Juan Karlos Borbon-Borbon. Ongi etorri… oh, ez… berriro muletekin? Zer gertatu zaio berorri…?”
