Bost egunez izanen dute festa giroa Txantrean. Suziria lehertu bezain pronto, dantzari ekinen diote eta, ostean, preso, iheslari eta errefuxiatuen eskubideen aldeko topa eginen dute. Gauean, musikaren txanda iritsiko da. Gazteek, gainera, afaria izanen dute, Herri parkean. Ez hori bakarrik, gainontzeko egunetan, egitaraua leporaraino betea egonen da.
Jai Batzordearen egitarauaz gaindi, gazte mugimenduaren, mugimendu feministaren, Akelarre kultur elkartearen, presoen eskubideen aldeko mugimenduaren eta Arraiurdineta plazako programak ere eskuragai daude. Egunero makina bat ekimen prestatu dituzte, herritar guztien neurrira.
Aurten, Txantreako Gazte Mugimenduari egokitu zaio txupinazoa botatzea.
