Creanavarra izeneko diseinu eskolan ari dira ikasten Larraitz Andueza eta Nerea Egozkue. Haien asmoa buruan dituzten ideiak jantzi bihurtzea da. Horretarako hasiera hasieratik ezagutu behar dute prozesu osoa.
Biek Iturrama Institutuan egin zuten Arte Batxilergoa. Han amaitu eta Iruñean ikasteko modua aurkitu zuten goi mailako eskola horretan.
Nerea Egozkue modelo lanetan ibiltzen da 15 urte zituelarik. Bere agentziako argazkiei erreparatu zieten, hain zuzen ere, bera Miss Nafarroa bezala proposatzeko. Ekimenaren antolatzaileek eginiko proposamena onartu zuen gazteak eta orain bere burua prestatzen ari da lehiaketako hurrengo fasera pasatzeko. Madrilen defendatu beharko du bere hautagaitza. Horretarako bere burua ezagutzera emateaz gain, Nafarroa nolakoa den erakutsi beharko dio munduari.
