Nafarroako Justizia Auzitegi Nagusiak jakinarazi duenez, Iruñeko 4. Instrukzio Auzitegiak amaitu egin du sanferminetan emakume bati eginiko bortxaketa ikertzeko instrukzio fasea. Epaileak dokumentazio guztia igorriko dio orain Nafarroako Lurralde Auzitegiari, hark epaituko baitu auzia.
Auzipetuak espetxean daude sexu eraso eta indarkeriaz eginiko lapurreta delituak egotzita.
Uztailaren 7an, goizaldeko 3:00etan, Paulino Caballero kaleko atari batean gertatu zen talde erasoa. Biktima 18 urteko neska madrildar bat izan zen. Salaketa jartzean biktimak emandako deskripzio fisikoari esker atzeman zituzten ustezko erasotzaileak.
Epaileak ustezko bost erasotzaileak espetxeratzeko agindua eman zuen, eta ikerketan zehar, Iruñeko epaileak beste eraso baten zantzuak topatu zituen. Zehazki, zantzuak topatu zituen adierazteko Iruñeko erasoagatik inputatutako bost gizonetatik lauk 21 urteko emakume bati sexu erasoa egin ziotela Kordoban Joan den maiatzean eta erasoa sakelako telefonoarekin grabatu eta partekatu zutela.
