"Inongo unetan" ez diote ofizialki jakinarazi Sanjurjoren sendiari lurpetik aterako dutela. Hori ziurtatu du familiak behintzat, EFEri bidalitako agiri batean. "Gure familiarekiko eta memoriarekiko iraina da", esan dute.
"Uste dugu Iruñeko Udalaren ekintzek gatazka bilatzen dutela bizikidetzaren aurretik; eta, edozein egoeratan, egiari izkin egiten diote, hedabideen aurrean egindako adierazpenetan, bai eta instituzio publiko eta eklesiastiko ezberdinen aurrean egindakoetan ere".
"Beharrezko ekinbideak" hartuko dituzte Sanjurjoren ondorengoek, "oroimenaren eta duintasunaren izenean".
