Sanferminak 2016

Erasorik gabeko sanferminak aldarrikatu dituzte

Jendetza atera zen kalera atzo arratsean ere, eraso sexisten aurkako protestara. Kalejira isila egin zuten Peñek: zutabe bana atera ziren zezen plazatik eta Errekoleten plazatik, eta Gazteluko plazan bat egin zuten. Hamar minutuko isilunea egin zuten protesta modura. Ondoren, babes osoa bortxaketak, ukituak… oro har, erasoak pairatu dituzten herritarrei.

Erantzun irmoa ematen ari dira herritarrak, elkarretaratze jendetsuen bidez. Datuek erakutsi dute arazoaren neurria nolakoa den. Atzo eguerdira arte larrialdi zerbitzuek jakinarazi dute denera hamabi salaketa jaso dituztela sexu erasoekin lotuta. Erasoak jasan dituztenek salaketa egitea garrantzitsua dela nabarmendu dute, eta herritarrei ere dei egin diete berdin jokatzera.

Milaka lagun elkartu ziren Gazteluko plazan sexu erasoak salatzeko. Hamabi salaketa daude guztira eta hamabi lagun atxilotu dituzte erasoekin lotuta. Nafarroako Gobernuaren eta Iruñeko Udalaren ordezkaritzak izan ziren atzoko protestan ere.

Erlazionatuak

Bortxatu egin dutela salatu du neska batek

Iruñea

Diario de Noticiasek aurreratu du ikerketa abian jarri duela udaltzaingoak neska batek jarritako salaketa dela-eta. Bortxartu egin dutela salatu du...
Emakumeak erasotzea merkeegi ateratzen da

Erabiltzailearen aurpegia Iruñea

Gizartearen, legeen, lehen mailako arazoa dela esan arren bestela jokatzen duten politikarien mezua arriskutsua da: inpune, zigorgabe, merke aterat...