%20342%20-%20copia%20-%20copia.JPG)
Sanferminetako lehen egunean gertatu da. Emakumezko batek salatu du sexu erasoa jasan duela. Etxebizitza bateko portalean izan da erasoa. Lau gizonezkok sexualki eraso egin diotela salatu du 19 urteko neskak.
Paulino Caballero kalean egin diote eraso emakumeari, salaketan azaldu duenez. Ezkaratze batera sartu dute, eta han eraso egin.
San Fermin eguneko prozesioaren ondoren hitz egin du Joseba Asiron alkateak. Informazioa biltzen ari direla adierazi du, eta erasoa salatu du. Asironek sexu erasoen aurkako "jarrera tinkoarekin" jarraitzeko eskatu dio gizarteari, "iraganeko oroitzapena izan arte".
Sexu erasoen aurkako protokoloa abiarazi du Gora Iruñea-k. Mobilizazio deialdiak egitea litekeena da.
Udaltzainek eta foruzainek abian jarri dute protokoloa eta neskak gizonezkoen deskribapena egin du, hala, eta hori baliatuta bost gazte atxilotu dituzte erasoan parte hartu dutelakoan. Ikertzen ari dira gertatutakoa.
