"Ez dut penarik txupinazoa ez botatzeagatik. Ekainaren 13an -kargua hartu zueneko eguna- nire txupinazo propioa izan nuen. Ikusten dut nik baino gehiago merezi duten beste batzuk badaudela, niretzat pozgarria da", esan du Joseba Asiron alkateak Euskalerria Irratian. "Pena da mundu guztiak hori horrela ez ikustea", gaineratu du.
Ikurrina balkoian egon ez delako penatuta azaldu da, eta aurrera begira Ikurren Legea aldatzearen beharraren inguruan mintzatu da.
"Alkateak lana egiten du, juergarako toki gutxi dauka; oso lan polita da Iruñeko alkatea izatea sanferminetan eta pozez eginen dugu", adierazi du.