Iruñeko Udalak eraso sexistarik gabeko sanferminen alde egindako kanpainaren karietara, makina bat hedabidetako profesionalak elkartu ditu, haiek ere jai parekideen aldeko konpromisoa adieraz dezaten.
Entzierroko hesi baten ondoan argazkia egin dute hedabideetako profresionales, Bai estereotiporik gabeko edertasunari, Ez iezadazu ipurdia ukitu eta Ez nazazu begiradaz biluztu leloekin. Euskalerria Irratia ere bertan izan da.
Herritarrak eraso sexisten gaiarekiko sentsibilizatzea da udalaren xedea sanferminetan, eta, batez ere, herri erantzunean jarri nahi du fokua, gizarte mobilizazioaren garrantzia azpimarratuz. Komunikazioaren profesionalekin egindako lanketa ere hor sartzen da.
