Euskarazko egile Berrientzako XXVI. lehiaketa jarri du martxan Iruñeko Udalak, eta azaroaren 5 arte aurkez daitezke lanak. Egile bakoitzak sail bakoitzeko bat baino ezin du aurkeztu.
Jatorrizkoak eta argitaratu gabekoak izan beharko dute lanek, eta ezinen dute parte hartu jada liburu bat argitaratuta dutenek. Gehienez ere hamabost orrialde aurkez daitezke narrazioan eta poesian, eta 25 bertso gutxienez bertso idatzietan.
13.000 euro banatuko dituzte orotara. 2.500 lehen sariarentzat; 1.000 bigarrenarentzat; eta 500 hirugarrenarentzat Horrez gain, 250 euroko aipamenak ere eskainiko dituzte.
Oinarriak Nafarroako Boletin Ofizialean irakur daitezke osorik.