Jon Barberena baztandarrak irabazi du aurtengo 'Iruña Hiria' poesia lehiaketako lehen saria, alzheimerraren eta heriotzaren inguruko Malatsa lanari esker. Iruñeko Udalak eta Nafar Ateneoak elkarlanean sustatutako sariketa medio, 3.000 euroko diru saria jasoko du.
Gorputz Heziketan eta Gizarte Antropologian lizentziatua da Barberena, eta Euskal Filologiako irakasle lanetan dabil orain. Bertsolaria ere bada, 2007an eta 2008an Nafarroako txapeldunorde geratu zen. Literatura lanei dagokienez, bertso paperak irabazi zituen 2004an eta 2005ean eta poesia atala 2011n eta 2015ean.
Iaz baino %66 olerki gehiago jaso dituzte aurtengoan: 301, hain justu -2015ean, 184-. Horietatik %83an gaztelaniaz izan dira, eta euskaraz %17, alegia, hemeretzi lan.
Gaztelaniazko modalitatean, Tomas Hernandezek lortu du garaipena, 174517 (El corazón de pájara) lanarekin.