Akordioa nahi du Herri Sanferminak plataformak "herri sanferminak" aurrera ateratzeko, izan ere, orain arte San Frantzisko, Errekoletak era San Jose plazetako kudeaketaren ingurukoak ez ditu lotu Iruñeko Udalarekin. Gatazka iturri nagusia: ordutegiak.
San Frantzisko plazan dago problema handiena. Goizez, haurrentzako gunea izan dadin du xede plataformak; gauez, berriz, kontzertuetarako txokoa. 02:30ean ixtea da udalari aurkeztutako proposamena, eta "zertxobait lehentxeago" ere ixteko prest legoke.
Lau alderdietako askok, baina, ez dute begi onez ikusi proposamena. Batzuek jai gunea 20:00 baino lehen ixtea proposatu dute eta alkoholik ez saltzea.
Egoeraren berri emateko, prentsaurrekoa eskainiko du gaur Herri Sanferminak plataformak udaletxeko plazan, gaur, ostiralarekin, 18:00etan.
