Arantzadiko Gurbindo Etxeak egun osoko egitaraua prestatu du larunbatean Ingurumenaren Eguna ospatzeko.
San Pedro zubiaren parean eginen den Zuhaitzetara Igotzeko XV. Txapelketako ariketez gain, hara bertaratzen direnek aukera izanen dute hainbat ekimenetan parte hartzeko: sendabelar eta landare aromatikoen lantegia, konpostajeari buruzko saio praktikoak, sukaldaritza erakustaldiak, Nafarroako ardo eta gatz dastaketak, artzain txakurren erakustaldiak, Iruñerriko Mankomunitatearen ur taberna, haurrentzako puzgarri eta jolasak, gazta freskoak egiteko lantegiak eta aisialdiko baratzeak ezagutzeko aukera izanen dute bisitariek.
Bazkari autogestionatua eginen da eta antolatzaileek ardoa jarriko dute.