Sei gune eskaini ditu udalbatzak eta horietatik bost eskatu dituzte hiru elkartek. Gora Iruñeak San Jose, San Frantzisko eta Errekoletak plazak nahi ditu; Ikastoleen Elkarteak, Vistabella; eta Erkidegoetako Etxeen Federazioak, basotxoa. Jito Alairen kudeaketa ez du inork eskatu.
Gora Iruñeak 56 ekimen aurkeztu ditu, askotariko publikoari zuzendutakoak: umeentzako tailerrak, kontzertuak eta beste.
Erkidegoetako Etxeen Federazioak zortzi zentro sozio kultural barnebiltzen ditu, eta goiz eta arratsalderako prestatzen du programazio folklorikoa, gauetan, adin tarte guztientzako eskaintza ere badu.
Vistabellan, hogeita hamar bat ekimen antolatuko ditu Ikastolen Federazioak. Gainera, arropa eta janari saltokia ere ipiniko dute. 23:30etatik aurrera, estilo anitzetako kontzertuak gauzatuko ditu.
