Iruñeko Udaltaingoa "berritu" nahi du Iruñeko Udalak eta horretarako jarri du martxan Iruñeko Udaltzaingoa Gidatzeko Plana. Horren harira, hiriaren eta segurtasunaren inguruko inkesta egin du, herritarren laguntzaz.
Segurtasunari dagokionez, "oso segurua" da Iruñea elkarrizketatutakoen %75,7rentzat, %18,8arentzat "ez da segurua ezta segurtasunik gabekoa ere" eta %5en arabera, "ez segurua da".
Udaltzaingoari dagokionez, %62,5ek uste dute "gertuko polizia" dela; 12,3k dio ez dela "bat ere gertukoa" eta %22k dio, aldiz, "ez bata ez bestea", alegia, ez oso urrutikoa, ez oso gertukoa ere.
Bestalde, puntuazio eman diete herritarrek hainbat zerbitzuei, 0tik 5 arte. Zerbitzu guztiek lortu dute aprobatzea, baina badaude oso larri ibili diren batzuk: esaterako, auzo poliziak (2,65); garabia (2,84) eta lapurketak eta salaketak (2,9).
Plan honen bitartez, egungo udaltzaingoaren giharra aztertzen ari da udala, hala aurrerantzean berritu eta "bestelako polizia eredu bat" sortzeko.