Mediku eta pediatra euskaldunak izatea Arrotxapean. Hori da hainbat herritarrek orain dela hilabete bat osasun etxeari aurkeztutako eskaera. Erantzuna jaso dute orain. Legeak hala eskatzen ez duela esan diete herritarrei.
"Gaur egun, osasun etxe honetako osagile eta pediatrako lanpostuetarako ez da betekizun hori eskatzen; horregatik, Nafarroako Gobernuari edo Parlamentuari dagokio osagile eta pediatrako lanpostuak betetzeko euskaraz jakitea nahitaez eskatzeko egin beharreko lege aldaketa egitea", esan die Arrotxapeako Osasun Etxeko zuzendari Isabel Martinez, agiri baten bitartez.
