Urriaren 1ean bozkatu zuen udalbatzak jada: etxeko zaintza publikoa izatea erabaki zuten EH Bilduk, Geroa Baik, Ezkerrak, Aranzadik eta PSNk. UPNk polemika sortu nahi izan du berriz gaia lehen lerrora ekarrita, nolanahi ere. Baina bakarrik geratu da, berretsi egin du eta Iruñeak etxean artatzea behar duten horiek zerbitzu publikoaren bitartez jasoko dutela. 1.513 iruindar dira gaur egun.
Erregionalistek dena lehen bezala segitzea aldarrikatu badute ere, ez dute lortu, eta Edurne Egino (Ezkerra) zinegotziak azaldu du jada hizketan dabiltzala enpresa publikoarekin, 2017rako xehetasun guztiak prest eta lotuta egon daitezen.