Gaur goizean Iruñeko Napardi Elkartean egin da Idiazabal gazta berriaren ebaketa ekitaldia. Aurten ohore hori Paxi Uriz zinemagile garestarrarentzat izan da. Aurtengo Goya zinema sarietan berak irabazi zuen dokumental onenari emaniko saria “Hijos dela Tierra” lanarekin. Gaurko ekitaldian Idiazabalgo gazta goraipatu du esanez “bost izaterrako” gazta dela.
Urizekin batera Nafarroako jatetxe entzutetsuetako hainbat sukaldarik hartu dute parte saioan, gazta eta gaztagileei haien sostengua eta eske ona adieraziz.
Joxemari Ustarroz Idiazabal Jatorri izendapeneko kontseiluko presidenteak, bere aldetik, aditzera eman du urtez urte gora doala gaztaren ekoizpena: iaz aurreko denboraldian baino %8 handiagoa izan zen, 1.226 tonetara iritsiz. Honetaz gain, hiru gaztandegi berri sartu dira kontseiluan eta bost artzain gehiagok ematen dute orain haien ardien esnea gazta egiteko. Hala ere, azpimarratu du Ustarrozek, oso lanbide gogorra da, traba asko dira eta ezinbestekoa da Gobernua eta erakunde publikoen partez laguntza gehiago, batez ere artzaintzan hasten diren gazteentzat.
Lizun gaztandegiko Arkaitz Larrarte sunbildarra eta Itxaso Barrenetxea durangoarra.
