Begoña Ausin Torre (zuzendaria eta eszenografia), Xabier Ortuzar, Aitor Borobia, Endika Landa (aktoreak),Erik Leal (argiak eta soinua) eta Endika Landa (Produkzioa eta banaketa). Rude izeneko ikuskizuna eskainiko dute asteazkenean 20:00etan.
Koadro zuri bat, adiskidetasuna, sekretuak, itun puskatuak eta, batez ere, tolerantzia zero. Koadro baten erosketa dela eta… astebeteko kontuan, hirukote batek hamabost urteko adiskidetasuna pikutara bidaltzen du. Yasmina Reza da Artea antzezlanaren egilea, familia judutar baten baitan jaiotako frantsesa, eta nazioarteko arrakasta lortu duten lanen egilea. Art (Artea) antzezlana 1998an estreinatu zenetik, 35 hizkuntzatara itzulia izan da. Urte horretan, New Yorkeko Tony Award saria jaso zuen eta munduko antzoki guztietan ikusi ahal izan da: Berlin, Tokio, Buenos Aires, Madril edota Bratislavatik pasa ondoren. Orain eta hemen, euskaraz ikusteko aukera dugu.