Emakumearen Udal Kontseiluak proposatu du lan taldea sortzea eta bertan Berdintasun eta LGTBQI zinegotzi Laura Berrok, Geroa Baiko eta UPNko zenbait zinegotzik, Emakumearen Arreta Zerbitzuko ordezkariak eta kontseiluko emakume taldeek hartu dute parte.
Iruñean eraso matxistaren bat egonez gero, eta argitara ateraz gero, "erantzun bateratua" emateko urratsak zehaztea da lan taldearen asmoa. Horretarako, eta, aurrera begira, Tokiko Protokolo Batzorde bat eratzea proposatu dute.
Protokoloa idazteko beste herri batzuetan egindakoak izanen dituzte inspirazio iturri, bai eta herritarrek historikoki antolaturiko protestak ere.
Halaber, hedabideekin izan beharreko tratua da aztertzeko dagoen beste gaietako bat, berrien trataera "egokia" egin dezaten da-eta xedeetako bat.