Sasoika landan aritzen diren emakume errumaniarren erretratu marraztua da Leire Urbeltz sortzaileak Ziudadelako mistoen aretoan aurkeztu duena. I am temporary here_Aldi baterako nago hemen_Yo soy una temporera aquí erakusketaren bide orria.
"Ilustrazioaren limiteak zabaltzea". Hori da bildumaren xedea, egilearen hitzetan. Askotariko euskarriak batu ditu: tamaina ezberdinetako irudiak, bai eta sorkuntza prozesuko argazki eta objektuak ere. Eta haria: Nafarroara uzta biltzera iritsitako emakume etorkinen errealitatea.
Ikerketa prozesua "subjektibotasunez eta fantasiaz" aberastu da, eta obrak "introspekzioan" sakondu du azkenean. Iaz, egon zen Errumanian artista, eta ikusitakoaren, ikertutakoaren eta irudikatutakoaren arteko hibridazioa da lana.