Bi adineko harrapatu zituen Belokik, abenduaren 31n, autoarekin atzeraka ari zela. Belokik salatu du haren kontrako "lintxamendua" egon dela istripuaren karietara, "aldaketaren gobernuaren" ezaugarriak nabarmendu nahi izan ditu, haatik; izan ere, "gardentasunez, azkartasunez eta arduraz" jokatu duela iritzi dio.
Oposizioaren jokaera, ezbaian
Mozkortuta zegoela edota mesede tratua izan zuela. Horiek dira UPNk zein PSNk aireratu dituzten bi argudio nagusiak. "Dimititu behar izan zuen Iruñeko Udaleko zinegotzi batekin" konparatzea leporatu die Belokik -Ignacio Polorekin alderatuz-, baina "epaileak ezberdintasuna markatu du". Nolanahi ere, galdera bat azaldu du, UPN eta PSNri buruz solasean: "Salaketa faltsuak egiteagatik euren ardura ardura bere eginen al dute?".
Bukatzeko, istripua haren izena "belzteko, ohorea urratzeko eta publikoki lintxatzeko aprobetxatu" duten hedabideen kontra salaketa aurkeztea aztertzen ari dela jakinarazi du.