Otsailaren 3an da San Blas eguna. Azoka izaten da Alde Zaharrean. 21 saltoki denera San Nikolas eta San Migel kaleetan barrena. Egun horretan ohikoak izaten diren produktuz josiak izanen dira postu horiek. Aste honetan, enkantean jarriko ditu Iruñeko Udalak postua eskuratzeko aukera. 125 euro ordaindu beharko dira gutxienez azokan postua jarri ahal izateko.
07:00etan hasi beharko dute postua muntatzen San Blas egunean. 09:00etan azokaren irekiera izanen da eta hamabi orduz izanen da zabalik. Bereziki San Blas eguneko roskoak eta goxokiak izan ohi dira postu horietan.