Iruñeko Udalak oraindik ordaintzeke zien langileei 2012ko aparteko ordainsaria. Pasa den urtarrilaren 5ean baina, ordaindu zien zor zien soldata horren %50. Horretarako 1,4 milioi euro behar izan ditu udalak. 1.516 langileri eragiten zien aparteko ordainsariaren ordainketaren atzerapenak eta aurtengo ordainketarekin zor zitzaien guztia jaso dute.
Abenduan iritsi ziren akordio horretara Iruñeko Udalean. 2016ko aurrekontuetan ere jaso zuten ordainketa hori egiteko beharra. 2015eko apirilean itzuli zitzaien 2012ko aparteko ordainsariaren %24,04 eta orain egindakoarekin zor zitzaien guztia jaso dute azkenik langileek.