San Frantzisko liburutegira bisita egin aurretik, abenduaren 31n izan zuen auto istripuaren karietara adierazpenak egin ditu Iruñeko Udaleko kultura zinegotzi Maider Belokik; "informe guztiak" batzen ari direla argitu du.
"Txostenak prest dauzkagunean behar den batzordeari esanen diogu", adierazi du.
Halaber, auziak harengan sortutako ezinegona izan du hizpide: "Honetan berriak garenoi esan digute hau datorrela paketean".
Autoarekin bi adineko harrapatu zituen kultura zinegotziak San Silvestre lasterketako sariak banatu ostean, abenduaren 31n. Udaltzainek ez zioten probarik egin; azalpenak eskatu dituzte UPNk, PPk eta PSNk.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.