17:00ean zabalduko dituzte Gazteluko plazako 24 artisau azokako etxolak. Bi urtez halakorik antolatu gabe izan ostean, aurten, Gabonetako azoka izanen da Iruñeko erdialdean ere. Iruñeko Udalak antolatu du eta gaurtik urtarrilaren 6ra arte izanen da zabalik. Goizez eta arratsaldez zabalduko dituzte etxolak: 10:00etatik 14:00ak arte eta 17:00eattik 20:00ak arte. Abenduaren 25ean eta urtarrilaren 1ean ez dituzte zabalduko.
Elikagaiak izanen dituzte etxetxoetan salmentan: txokolatea, pastak, gaztak, marmeladak … Oparitarako bestelako produktuak ere ez dira faltako: arropa, zeramika, larrua, zilarrezko apaingarriak, beirarekin egindako lanak …
Haurrentzako tailerrak ere eskainiko dituzte Gazteluko plazan. Horretarako hiru etxetxo zabalduko dituzte.