Ehunka lagun bildu ziren Aldaketaren alde, guztion Iruñea. Fundamentalismorik ez zioen pankartaren atzean atzo Iruñeko autobus geltoki zaharrean, fundamentalismoa errefusatzeko eta aldaketaren aldeko apustua berresteko.
Azken egunetan Abel Azkonaren erakusketaren harira izandako aztoramendua hizpide izan zuten udaletxeko plazara iritsi zirelarik: "Kezkatzeko moduko ekinbideak ikusi ditugu; erakusketa baten aurkako oldarraldia, alkatearen aurkako heriotza mehatxuak, integrismo katolikoaren mobilizazio bortitzak eta beste". Azkonaren erakusketaren oinarria memoria historikoa dela gogorarazi zuen bozeramaileak eta ez dela memoria aipatu ere egin. Muturreko talde katolikoen helburua "aldaketa galgatzea" dela gaineratu zuen: "Euren dotrina inposatu nahi dute fundamentalistek, 1936an bezala".