Nafarroako Nekazal Produkzio Ekologikoaren Kontseiluak Lehen azoka ekologikoa antolatu du. Nafarroako produktuak izanen dira. Guztira 70 postu baino gehiago. Produktu eta zerbitzu ekologikoak eskuratzeko aukera izanen da, baina baita probatzeko aukera ere. Ekobonoak salduko dituzte azokan bertan elikagaiak zein edariak probatu ahal izateko.
Nekazaritza ekologikoaren erakusleihoa izanen dela esan du Miren Lizasoain CPAEN-eko kideak. "Produktu ekologikoak etorkizuneko apustua dira", nabarmendu du. Elikadurak duen garrantzia gero eta jende gehiagoren ardura da, eta produktu ekologikoak kontsumitzea osasungarriagoa dela nabarmendu dute.
Hitzaldiak, mahai inguruak eta jolasak
Manuel Esparza, Tina Asensio eta Miguel Porta. Tallerrak ere eginen dituzte eta horretarako Claude Aubert izanen dute. Nerea Zorokain makrobiotikan aditua ere izanen da. Haurrentzako tailerrak, jolasak eta zaldiko-maldiko ekologikoa izanen dira.
Azoka hilaren 27an, 28an eta 29an eginen dute Iruñeko Autobus Geltoki Zaharrean.
Kontseilua hazi egin da urteotan
CPAEN-NNPEK 600 produktoretik gora osatzen dute, 3.000 lanpostu sortu ditu eta 51.000 hektareatan aritzen da. 375 nekazariak dira eta 61 abeltzainak. Nabarmendu dute azken urteotan hazi egin dela gazteen interesa produktu ekologikoak sortzeko eta emakumeak ere gero eta gehiago direla sektorean.