Zientzia, Teknologia eta Berrikuntzaren XV. astea ospatzen ari da Iruñea egunotan. Programazio zabala prestatu dute aurten eta 30 proposamen baino gehiago izanen dira. Zientziak sustatu eta zientzialariekin hartu emanak izateko aukera da eskaini nahi dutena. Modu horretan, ikasleak zein herritarrak gai zientifikoak gertuago sentiarazteko bidea egin nahi dute.
Azaroaren 15a arte izanen da abian zientziaren inguruko programazioa. Zientziarekin erakustaldiak eginen dituzte, hitzaldiak, bisitak, ikuskizunak, erakusketak eta ikastaroak ere bai. Zientziaren aste antolatzen parte hartzen dute besteak beste, Zientziaren Lagunak elkarteak, Nafarroako Unibertsitateko Zientzien Fakuktatea eta Nafarroako Gobernua.