Iruñea etxe kaleraterik gabeko hiri izendatzea xede zuen proposamena aztertu zuten atzoko osoko bilkuran Udalean. UPNk baina, ez zuen bat egin. Ez zuten lortu aho batez onartzea proposamena, nahiz aurrera egitea lortu. Gainerako taldeek bat egin zuten: Geroa Baik, Eh Bilduk, Aranzadik, Izquierda-Ezkerrak eta PSNk.
Zenbait puntu jaso dituzte akordio horretan. Besteak beste, udaltzaingoak parte hartzerik ez izatea etxe kaleratzeetan, horiek, lehen etxebizitzan izaten direnean eta ez dagoenean agindu judizialik. Protokolo bat ere jarriko du abian udalak etxe kaleratzeei aurre egiteko.