Haurrendako antolatzen duten entzierroarekin ekinen diete umeek euren egunari. 09:30ean eskorga-zezenekin eta korrikalarien parte-hartzearekin Santo Domingotik Zezen plazarainoko ibilbidea osatuko dute. Ezpeleta Jauregitik irtengo dira ondoren erraldoien eta buruhandien konpartsako kideak .
San Fermin santuari lore-eskaintza eginen diete haurrek 11:00etan. Aduanako zokoan izanen da hitzordua lehenbizi, gero desfilea eginen dute Gazteluko plazaraino. Haurrekin batera izanen dira erraldoi eta buruhandiak. Gazteluko plazan dantza ikuskizuna izanen da: Amaiur, Duguna Eluntze eta Oberena dantza taldeetako haurrak izanen dira dantzan.
Rodezno Kondearen plazan izanen dute eguerditik aurrera neska-mutikoek euren gozamenerako ekimenak. Maese Villarejoren txotxngiloak izanen dira protagonista 18:00etan, El arbol hechizado izeneko obrarekin. Emanaldi eta ikuskizunak ez dira faltako arratsalde osoan.
Takoneran ere izanen dute zer ikusia: Patata tropikala antzerki taldeak Azken eguzkilorea ikuskizuna eskainiko du 18:00etan.
