Iruñeko Administrazioko Epaitegiko epaileak baztertu egin zuen kautelazko neurria hartu eta ikurriña erretiratzea Txupinazoaren unean. Espainiako Abokatuen Elkargoak uztailaren 6an, 12:00etarako minutu gutxi gelditzen zirenean eskaera egin zion: Nafarroako epaileari kautelazko neurri gisa ikurriña udaletxeko balkoitik kentzea eskatu zion. Epaileak ez zuen halakorik onartu ez zelakoan inolako neurririk behar.
Epaileak uste du ez dagoela arrazoirik kautelazko neurririk hartzeko: “Espainiako bandera balkoiaren erdian zegoen, ikusteko moduan jarria eta ohorezko postuan kokatua”, azaldu du epaileak. Horrekin nahikoa da bestelako banderak alboan jartzeko, betiere Espainiako bandera baino txikiagoak izanda.
