“Izquierda Ezkerra beharrezkoa da Iruñeko Udala beste modu batean goberna dadin”. Hala aurkeztu zuen atzo Edurne Eginok bere koalizioaren hautagai zerrenda. IEren alkategaiaren irudikoz, “azken lau urteotan egindako lanak eta erakutsitako kemenak argi uzten dute hori”. Orotara 160 mozio aurkeztu dituzte, eta horien %75 onartuak izan dira. “Udal talderik txikiena izanda, proportzionalki lan handiena egin dugu”, nabarmendu du.
Zerrendako bigarrena Frenando Espinosa da. Haren hitzetan, “Iruñeko ezkerra ordezkatzeko ilusio, indar eta proiektu berrituekin” aurkezten dira hauteskundeetara, eta aldaketa “mugimendu sozialekin, baztertuenekin, krisiaren biktimekin, etxe gabetuekin” gauzatu nahi dute.
