Udalbatza murritzagoa izanen du Barañainek, hurrengo legegintzaldian, 20.000 biztanleen langatik behera kokatu ondoren. 21 zinegotzi izatetik 17 izatera pasatuko da hiria.
Azken legegintzaldian Maria Lekuberri izan da alkatea, Navarra Sumarekin; eta UPNren zerrendaburua da 2023ko udal hauteskundeetan. Eskuineko koalizioak zortzi zinegotzi lortu zituen 2019an (botoen %34,4) eta bakarrik gobernatu du, zortzi zenegotzirekin. Azken legegintzaldian aurrekontu bakarra onartzea lortu dute, iaz, PSNri esker.
Aurreko hauteskundeetan bigarren indar bozkatuena izan zen EH Bildu, eta bost zinegotzi izan ditu. PSNek ere bost izan ditu, eta Geroa Baik, aldiz, bi. Aldaketaren legegintzaldian alkate izandako Oihaneder Indakoetxeak izan da alderdi subiranistaren burua.
