Apostu aretoak arautuko ditu Eguesibarrek

Euskalerria Irratia 2021ko api. 7a, 10:08
Argazkia: @alfonsoetxebe

Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.

Eguesibarreko Udalak ordenantza bat onartu du astearte arratsalde honetan, aho batez, udalerrian apustu-lokalak eta joko-aretoak arautzeko.

Ordenantza horrek espazio horietatik edozein hezkuntza-zentrorekiko (publikoa edo pribatua) eta gazteek batez ere erabiltzen dituzten espazio libreekiko gutxieneko distantziak  ezartzen ditu. 400 metroko erradiokoa, zehazki. Publizitatea ere arautu dute: kartelak debekatzen ditu.

30 egunez ikusgai izanen da araudia, helegiteak aurkezteko aukera izanen dute herritarrek. Ez bada aurkezten halakorik, behin betikoa izanen da. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!