Eguesibarreko Udalak inkesta bat jarri du herritarren eskura astelehen honetan, Udalak elektronikoki ematen dituen zerbitzuei buruz duten iritzia jakiteko. Inkesta herritarren parte-hartzerako webgunean dago eskuragarri. Otsailean izanen da parte hartzkeo aukera; hortik aurrera emaitzak aztertu eta ateratako ondorioekin batera argitaratuko dira.
Administrazio-izapideak egiteko erabiltzen den egoitza elektronikoaz gain, Udalak hiru webgune ditu, bizilagunen dirua nora bideratzen den ikusteko (valledeegues.dondevanmisimpuestos.es /), haranean martxan dauden partaidetza-prozesuetara sartzeko (www.valledeeguesparticipa.com /) edo bide publikoko gorabeherei alta emateko Lerro Berdea app mugikorretik edo www.lineatik.
Amaya Larraya alkateak adierazi duenez, Eguesibar bezalako "bailara zabal batean, udala eta haren zerbitzuak bizilagunei hurbiltzea betebehar bat da, aurrezteko neurri gisa ez ezik, zerbitzuak herritar guztiei berdintasunean ematen zaizkiela bermatzeko bitarteko gisa ere, bizi diren haraneko lekua edozein dela ere".