Urte hasieran jarri zituzten erasorik onartuko ez dela dioten kartelak. Horietatik bat dagoeneko ez dago bere tokian eta beste hirutan pintaketak egin dituzte, edo hobeki esanda 'ez' hitza ezabatu dute. Oltzako Zendeak EZ du eraso sexistarik onartzen diote kartelek eta sabotaia pairatu dute, Udalak dagoeneko Foruzaingoan jarri du salaketa eta gaitzetsi egin ditu gertaerak osoko bilkuran.
Kartelak Ibero herriaren sarreran daude, ororbian, Asiainen eta Arazurin. Duela hilabete batzuk izan ziren erasoak eta hasiera batean "baldakeria" bat izanen ote zen ez zioten gehiegizko garrantziarik eman baina karteletako bat desagertzearekin ohartu ziren larritasunaz.