Bere bikotekidea ustez fisikoki erasotzeagatik atxilo eraman zuen larunbat goizaldean Udaltzaingoak Barañaingo 23 urteko mutila. Erasoa jasan zuen neskak salaketa jarri du bikotekidearen kontra.
Igande goizaldean gertatu zen erasoa, 6:45 aldera. Ordu horretan, Udaltzaingoak hainbat abisu jaso zituen, ohartaraziz etxebizitza batean emakume bat jotzen ari zirela. Bertara joatean, udaltzainek atxilo hartu zuten gizonezko bat.
Barañaingo Udalak eman du gertatutakoaren berri, eta erasoa gaitzetsi du. Halaber, eraso sexisten aurkako udal protokoloa aktibatu du. Ohar batean, udalak "babes osoa" adierazi dio biktimari, eta atxikimendua adierazi dio Barañaingo mugimendu feministak deitutako mobilizazio orori.
