Elikagaien industria, material kuantiko berriak, ingurugiroa... Ez dira gutxi, ezta makalak ere, zientziak eta, zehazkiago, kimikak etorkizun hurbilari begira dituen erronkak. Euskal Herriko Unibertsitateko (EHU) Kimika fakultateak 50. urte betetzen dituen honetan, ikerkuntzaren alorrean nagusitzen diren lan lerroez mintzatu gara Jon Mattin Matxain dekanoarekin.
Ikerketaz gain, formakuntza ere garrantzitsua da fakultatean, Matxainek nabarmendu bezala: "Fakultatetik ateratako 2.000 lizenziatuk eta 650 graduatuk esparru profesional askotan egiten dute lan. Ur, lur eta janari kalitateen analisian, industria farmazeutiko zein kimikotan batzuk aipatzearren".
Gaur egun, Kimika Fakultatea irakaskuntzan eta ikerkuntzan garapen handia duen Zentroa da eta honen adierazle gure Fakultateak Shanghai ranking-ean duen posizioa da. Munduko 10.000 unibertsitateen artean, UPV/EHU, Kimikako jakintza arloan, munduko 151-200 onenen artean egotea hain zuzen ere.
Badago zer ospatu, beraz. Hartara, Kimika gara lemapean, urte osoan zehar eginen den ospakizunez beteriko egitaraua antolatu duten EHU-n. Egitarau osoa fakultatearen webgunean ikusi daiteke.
