Historian zehar etxeko lanen, zaintza lanen eta baserriko lanen pisurik handiena izan dute. Landa eremuan, hiru ekintzaileetatik bi emakumeak dira Nafarroan. Kati Leatxek Karekin Kultura izeneko enpresa jarri zuen martxan 2015ean, kudeaketa kulturala eta emozionalerako enpresa.
Lehen sektorean, abeltzain eta nekazarien artean gehienak emakumeak dira. Irati Usandizaga gaztagilea da, Kortariko Bordan, Lekarozen. Hamar urte daramate gazta egiten eta banatzen, baita gaztandegira bisita gidatuak eskaintzen.
Errelebo falta eta despopulatzea dira landa eremuetako arazorik handienak, baita zerbitzuen zentralizazioa ere. Maite Ayarrak Goizuetako osasun etxean lan egin du azkeneko hiru urteetan. Hirigunearekin alderatuta jende gutxiago artatu behar dituzte eta herritarrekin modu zuzenago batean egin dezakete lan.
Nazio Batuak 2008ko adierazpenean esan bezala, landa eremuko emakumeen eta nesken ahalduntzea funtsezkoa da planeta osasuntsu batean etorkizun oparoa, bidezkoa eta baketsua eraikitzeko.
Landa Eremuko Emakumeen Eguna
Emakumeak, landa eremuaren ezinbesteko sostengu
Urriak 15a Landa Eremuko Emakumeen eguna da. Nazio Batuak ezarri zuen 2008an. Irrintzi Plaza saioan alor desberdinetan lanean diharduten emakumeekin mintzatu gara
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
