Proiektu berritzailea da Antsoainen martxan jarri dutena: jantoki kolektibo osasungarria goiburuarekin aurkeztu berri dute. Hiru egun daramatza martxan eta lehen egunetan harrera oso ona izan du erabiltzaileen aldetik. 51 pertsona adindu eta menpekotasunen bat duten bizilagunak ari dira jantokira hurbiltzen. "Helburuetako bat da bakardadeari aurre egitea", esan du Antsoaingo alkate Marta Diezek. 'Antsoainek zaintzen zaitu', programaren barruan kokatu dute jantokiaren egitasmoa. "Elikadura osasuntsua ziurtatzeaz gainera, otorduetatik harago doan sozializazioa ere bultzatzea da asmoa", gaineratu du Diezek. Atzo aurkeztu zuten jendaurrean jantokia. Marta Diezi egindako elkarrizketa argazkian klik eginda entzun daiteke.
Marta Diez (Antsoaingo alkatea): "Berritzailea da martxan jarri dugun jantoki solidario osasungarria"
Hiru egun joan dira Antsoainen "jantoki kolektibo osasungarria" martxan jarri denetik. Adineko jendeari eta menpekotasuna dutenei zerbitzu emateko egitasmoa proba fasean izanen da abendua arte. "Ezagugarri hauek dituen lehen jantokia da Nafarroan. Proban izanen gara urte amaiera arte eta baloratu eginen dugu zer nolako harrera izaten duen eta zertan hobetu daitekeen jarraipena emateko", azaldu du Marta Diez alkateak.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
