Atzo abiatu zen Gasteizen Eusko Ikaskuntzak antolatutako 19. Kongresua. Zita garrantzitsua da, batetik ikerkuntza eta kultura sustatzeko balio duelako eta aurrera begira Euskal Herriak dituen erronken inguruan eztabaidatu ahal izateko bestetik. Horiek baitira Eusko Ikaskuntzako kongresuen helburuak. Atzo hasiera eman zioten eredu sozio-ekonomiko berriaz eta ongizatearen gizarteaz mintzatzen. Gaurko jardunaldiak egungo gizartearen argazkia ateratzeko balioko du, eta bihar berriz lurraldetasunaz eztabaidatuko da: burujabetza, oreka, aldaketa klimatikoaren aurrean nola jokatu… Irrintzi Plazan, Eusko Ikaskuntzako lehendakari Ana Urkizarekin hitz egiteko aukera izan dugu.
