"Ludopatia duen herritarraren profila asko aldatu da azken urteotan. Garai batean gizon heldu eta bakarlariaren irudia etortzen zitzaigun burura; egun jokoan aritzen dena 20 eta 25 urte arteko gaztea da, bizitza normalizatuarekin, ikasketa maila altuekin eta une batez kontrolik gabe aritzen dena jokoan", esan du Saioa Ieregi Aralar elkarteko psikologoak. Gero eta jende gazteagok jotzen du jokora. "Prebentzioa landu behar da eta ludopatiaren arazoari modu integral batean erantzun", adierazi du Ieregik. Herri eta auzo askotako festetan ohikoak izaten dira apustuak: izan bingoa edo kirolarekin lotutakoak: "Kontua ez da jokoa debekatzea, arriskuez ohartzea da gehiago", nabarmendu du Yeregik. Egun oso normalizatua dago apustuetan aritzea eta horrek sortzen du gero eta jende gehiago arriskuan egotea Yeregiren ustez. Saioa Yeregiri egindako elkarrizketa argazkian klik eginda entzun daiteke.
Saioa Ieregi (Aralar): "Ez da jokoa debekatzea kontua, arriskuez ohartaraztea baizik"
Jokoaren inguruan mintzatuko dira bihartik aurrera Iruñean antolatutako kongresu batean. Aralar elkarteak ohartarazi du jokoa asko normalizatu dela gizartean eta sor ditzakeen adikzioez ohartaraztea ezinbestekoa dela.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
