Etxeko lanetan eta zainketan aritzen dira etorkin asko. Pertsona adinduak edo menpekotasuna dutenen zaintza hartzen dute. Lanaldi luzeak eta soldata txikiak dituzte. Gehienetan lan kontraturik gabe: "Oso zaila zaie errolda agiria eskuratzea, Udalean trabak baino ez dizkietelako jartzen nahiz eta legez eskubide bat den", azaldu du Irantzu Eskudero Gizarte Langileak. "Lan kontraturik gabe prekarietatean eta ezkutuko lana egitera behartzen dituzte. Euren eskubideak lan egiten duten tokiaren menpe geratzen dira; eskubideak errespetatzen ahal dizkiete edo ez", ohartarazi du. Etorkina eta emakumea izatea binomio aproposa da lan baldintza kaxkarrak izateko. Are okerrago egoteko. Eta hausnarketa bat ere egin du: “Gure ongizatea ezin da beste baten prekarietatean edo zapalkuntzan egon”.
Entzun elkarrizketa osoa argazkian klik eginda.
