Euskal dantza tradizionalen transmisioan arazoa antzeman du Euskal Dantzarien Biltzarrak. Hori dela eta, Gazteen Dantza Topaketa eginen dute ekainaren 30etik uztailaren 2ra.
15 eta 25 urte bitarteko dantzariei eskainitako asteburua izanen da, eta bertan belaunaldien arteko ordezkapen ezari irtenbidea bilatzeko zenbait dinamikatan parte hartuko dute. Dantza taldea nolabait komunitate gisa ulertzen du Euskal Dantzarien Biltzarrak, eta hain zuzen ere herri, eskualde eta talde desberdinetako dantzariak bi egunez elkartuz, gogoeta hori sustatu nahi dute.
Endika Saez de Adana izan da Euskalerria Irratian eta arazoaren, zein topaketaren berri eman du.
Belaunaldi-erreleborik ezaren arazoa jarriko dute beraz mahai gainean, dantzari gazteak konponbidean inplikatu nahian eginen dituzte topaketak. Izen ematea otsailean irekiko dute.