Foro Soziala 2013ko martxoan sortu zen, Lokarriren eta Bake Bidearen eskutik, "blokeo anitzen" garaiaren testuinguruan, "gizarte zibiletik indarkeria-zikloaren ondorioen konponbidea bultzatzeko". I. Foro Sozialean aurkeztutako hamabi gomendioetatik, hamaika bete direla edo oso aurreratuta daudeka azaldu dute. Hala, Foro Sozial Iraunkorrak "harro" esan du helburu horietara iristeko zegokion lana egin duela.
Azken gomendioa da orain erronka, baina oinarriak ezarrita daudela iritzi dio Iriartek. Biktimen tratamendu asimetrikoa, salbuespen politika eta memoria lantzeko erronkei aurre egiteko tresna berriak behar direla adierazi du, eta horri heltzeko eskatu die eragile, erakunde eta norbanakoei.
Larunbatean Durangon eman zuten erabakiaren berri, baina martxoan bukatuko dute lan etapa, VI. Foro Sozialarekin.
